ഉമ്മൻചാണ്ടിയെ വിശ്വസിക്കുന്നത് സൂക്ഷിച്ചുവേണമെന്ന് പി സി ജോർജ്

ജോപ്പനെക്കുറിച്ച് മുന്നറിയിപ്പ് നൽകിയത് സരിതയുടെ അറസ്റ്റിന് ശേഷമെന്ന മുഖ്യമന്ത്രിയുടെ വാദം തള്ളി പി സി ജോർജ്. അറസ്റ്റിന് രണ്ടാഴ്ച മുൻപേ വിവരങ്ങൾ മുഖ്യമന്ത്രിയെ അറിയിച്ചിരുന്നുവെന്ന് പിസി ജോർജ് റിപ്പോർട്ടറിന്റെ മീ്റ് ദ എഡിറ്റേഴ്സിൽ പറഞ്ഞു. നിയമസഭയിൽ സത്യം പറയാതിരുന്നത് മുഖ്യമന്ത്രിയെ രക്ഷിക്കാനാണ്. എന്നാൽ ഉമ്മൻചാണ്ടിയെ വിശ്വസിക്കുന്നത് സൂക്ഷിച്ചുവേണമെന്ന് ഇപ്പോൾ മനസ്സിലായി. 108 ആംബുലൻസിലെ വയലാർ രവിയുടെ മകന്റെ പങ്ക് പുറത്ത് കൊണ്ടുവന്നതിനാലാണ് അദ്ദേഹത്തിന് തന്നോട് ദേഷ്യമെന്നും പി സി ജോർജ് പറഞ്ഞു.